حوار بين حسنى مبارك وسوزان قبل الانتخابات الرئاسيه سنة 2018

[حسام حماد]

حوار بين حسنى مبارك وسوزان

قبل الانتخابات الرئاسيه سنة

2018

سوزان : صباح الخير ياحسنى

حسنى: مين؟

سوزان: هاكون مين؟ سوزان

حسنى : الاخوان؟

سوزان : يوه انت لا بتسمع ولا بتشوف …. قوم خدلك حمام

حسنى : انا اكتر واحد باحب السلام

سوزان : الله يطولك ياروح اسمع هاجيبلك التليفون تسال على رجالتك احنا داخلين على انتخابات
حسنى : انا ماعنديش بنات




سوزان : باقولك ايه ياحسنى مابلاش انت ترشح نفسك المره دى سيب فرصه لجمال ده ابنك برضه
حسنى : لا الا الانتخابات


سوزان : اشمعنى دى سمعتها على طول …. على كل حال جمال عجز وبقت صحته على قده طيب ها تعمل ايه فى الاخوان

حسنى : انا مش هاتغدى بتنجان


سوزان : يارب توب على انا مش عارفه عزرائيل تايه عنك فين جهز نفسك هتقول كلمه فى مجلس الشعب وفتحى سرور هيجيبوه من الانعاش على المجلس على طول و صفوت الشريف معلق المحاليل وهيكون موجود

حسنى : طيب والجدع الطويل قوى ده موجود


سوزان : ايه نسيت نظيف رئيس الوزراء موجود هيروح في انهى دايهه اهو مرزوع بقاله عشرين سنه والقوطه بقت ب100 جنيه واللحمه الكيلو بخمسميت جنيه و الناس هتاكلنا .ولا الأذعه احمد عز اللى خلى طن الحديد ب50000 جنيه والناس بقت تبنى بالطين على كل حال الشعب نفسه قرب يخلص روح الحق يشوفوك قبل ما يموتوا كلهم

حسنى : طيب الجدع المطبق اللى ماسك وزارة الحشيش


سوزان : قصدك الجيش مش الحشيش. طنطاوى ياسيدى .هيجيبوه 2 عساكر يحطوه على الكرسى ولما تخلص هيبقوا يرجعوه المستشفى

حسنى : طيب خليهم يجهزولى الطياره الحربيه هاعمل طلعه جويه على مجلس الشعب


سوزان : يااخى اتنيل انت لسه عايش فى الدور هوانت فيك نفس بس اياكش تلحق توصل وقولهم كلمتين عن البنيه التحتيه وان الحكومه هتوفر الفول والطعميه وهاتخليهم على البطاقه وانك نفذت خمس اسداس البرنامج الانتخابى والمواطن بتاعنا من احلى المواطنين فى الدنيا بحالها وادونى فرصة والنبى المرة دى كمان

حسنى : طب وكان فين عمر سليمان


سوزان : تعيش انت من زمان

حسنى : طيب اسافر فرنسا اشوف ساركوزى


سوزان : تعيش وتدوب

حسنى : طيب اروح امريكا



سوزان : مش عايزين يشوفوا وشك زهقوا منك وانا كمان زهقت منك.خليك مرزوع هنا وهابعت الدوبلير بتاعك

حسنى : امرك يا حنان


سوزان : سوزان يا ........

للمزيد من مواضيعي

 

[Roka Rolizo]

هههههههههههههههههههههههههههههههههههههههه

احم احم
نو كومنت

[حسام حماد]

ههههههههههههههههههه ربنا يستر بقا

ثانكس لمرورك ياقمر

[malakelromansia]

خلى بالك الفتره اللى جايه يا حسام
اصل انت دلوقتى متراقب
هبقى اجبلك عيش وحلاوه
بس ده لو عرفنا مكانك
هههههههههههههههههههههه

[RaHaf]

هههههه والله عندك حق كلهم فى فى الانعاش
ميرسى بوب

[malakelromansia]

اتصادرت اموالك ولا لسه؟؟؟؟؟؟؟؟؟؟؟؟؟؟؟

[حسام حماد]

ان حد سال عليا قولوهم ذهب ولم يعد ههههههههههه

انا مالى انا بالسياسة

[malakelromansia]

الكلام ده متأخر قوى

[star]

هههههههههههههههه
جامدة جدا تسلم ايدك خد بالك من نفسك

[حسام حماد]

متخافيش انا شجاع بس زى ماتفقنا بقا فين حسام منعرفوش يابية هههههههههههه

ثانكس لمروركم